الكمية تكفي: 10 أشخاص
وقت التحضير: 30 دقيقة
وقت الطهي: 35 دقيقة
المقادير: عدد 6 بيضات كوب صغير سكر بودرة كوب دقيق 3 ملاعق كبيرة كاكاو معلقة كبيرة نشا ملعقة صغيرة بيكينج باودر مقدار ملح مقدار فانيليا 500 ملي كريمة خفق 5 ملاعق سكر بودرة علبة كرز ثمرة عصير ليمونة ملعقة صغيرة نشا التحضير: 1-انخلى الدقيق و الكاكاو و الملح و البيكينج باودر و النشا
2-اضربى البيض و السكر كويس لمدة 10 دقائق بمضرب البيض ثم اضيفى الفانيلياو اصربيهم تانى دقية كمان
3-اضيفى الدقيق بلطف و ليس بالمضرب الكهربى و قلبى بدون اخراج الهواء من البيض المضروب
4-انقلى الخليط ده فى صينية مدهونة كويس بالزبدة و مرشوشة دقيق الطبخ: تدخل فرن ساخن لمدة 35 دقيقة
بعد لما تبرد تماما قطعيها عرضيا 4 طبقات او 3
طبقات
الحشوة:
اخلطى معلقة نشا مع نص كوب من محلول حفظ الكرز او عصير كرز (اشتريه بكل سهولة من اى ماركت)
حطى المزيج على النار و قلبيه و لما يوصل للغليان و يكون سميك طفى عليه و اضيفى عصير ليمونة و حطى جانبا عشان يبرد
اضربى الكريمة بتاعة الخفق مع 4 معالق سكر بودرة و لما يغلظ قوامها شيلى جزء منها لتغطية السطح بتاع التورتة
و امزجى مع الجزء اللى باقى من الكريمة الكرز المحفوظ ماعدا عدة وحدات لتزين التورتة من فوق
حطى اول طبقة (الطبقة السفلى للتورتة) على طبق التقديم
صبى عليها طبقة من خليط النشا بعصير الكرز
و بعدين افردى عليها شوية كريمة
و كررى العملية بين الطبقات
لعمل اوراق الشجر من الشكولاتة
سيحى شوية شكولاتة فوق حمام مائى
نظفى الأوراق جيدا و نشفيها
غطى ظهر ورقة الشجر بالشكولاتة
و سبيها تتجمد و لما تجمد انزعى ورقة الشجر بلطف شديد
الموضوع ده ممكن يتعمل قبلها بأيام و يتشال فى مكان بارد
التزين للطبقة العليا من التورتة:
افردى الكريمة على سطح و جوانب التورتة بتساوى
زينيها بالشكولاتة المبشورة و انصاف الكرز المحفوظ و ممكن بالكرات الفضية الخاصة بتزين الحلويات
يجب ان تدخل التلاجة قبل التقديم على الأقل 4 ساعات