طريقة عمل بيتزا حلوة وسهلة

الكمية تكفي: 4 أشخاص وقت التحضير: 20 دقيقةوقت الطهي: 40 دقيقة المقادير: كيلو دقيق عدد 3 بيضات كيس خميرة كوب ماء دافئ ملعقة صغيرة سكر مقدار ملح 6 ملعقة كبيرة سمن بلدي أو زبدة سايحة 2 ملعقة كبيرة زيت 1/2 كيلو لحمة مفرومة متعصجة كيس جبنة موزاريلا 5 فصوص ثوم مقدار زعتر 5 ثمرة طماطم مقدار فلفل رومي مقدار فلفل حار ثمرة بصلة مقدار زيتون إسود مقطع أو شرائح مقدار ملح وفلفل التحضير: حطي السكر والخميرة في كوب الماء الدافئ وقلبيهم كويس وسيبي الخميرة لحد ماتقرب تفور وبعدين ضيفيها للدقيق بعد ماتنخليه وضيفيله البيض والسمنه والزيت والملح واعجنيهم كويس أوي لحد ماتكون معاكي عجينة لينة ( لا تلتصق بالوعاء )
كوري العجينة وغطيها وحطيها في مكان دافي وسيبيها تتخمر لمدة ربع ساعة، وبعد كده قسمي العجينة على 3 أو 4 أقسام ( حسب حجم الصواني اللي عندك ) وخللى بالك يكون كل قسم مناسب لحجم الصينية وسيبيها ترتاح لمدة 10 دقائق
بعد كده رشي دقيق وافردي عليه العجينة بالنشابة
بعد كده ادهني الصواني بتاعتك بالزبدة وافردي عليها العجينة وخرميها بالشوكة
نيجي بقا للحشوة
افرمي الثوم
اغلسي الطماطم كويس واسلقيها بعد ماتعملي حرف إكس في كل طماطماية من تحت ( لسهولة تقشيرها ) اسلقيها نصف سليق
بعد كده قشري الطماطم وافرميها كويس ( ممكن تفرميها مع الثوم ) وضيفيلها الثوم ( وممكن بصل لو حبيتي ) والزعتر والملح والفلفل وسيبيها على النار لحد ماتتسبك
بعد كده ضيفي الصلصة للعجينة الطبخ: بعد كده حطي الحشوة وهي عبارة عن لحمة مفرومة متعصجة وزيتون إسود مقطع وفلفل رومي ترانشات وفلفل حار ترانشات ومكعبات طماطم ومكعبات بصل صغيرة
وماتنسيش تضغطي على الحشوة كويس بعد ماتضيفيها للعجينة
وأنا حطيت على الوش كمان شوية صلصة وممكن ترفعي حروفها كده وتحشيها من الجوانب بجبنة موزاريلا أو رومي
بعد كده حطيتلها الجبنة الموزاريلا وحشيت أطرافها بجبنة رومي
حطيها في الفرن ويكون سخن وشغليه على درجة حرارة عالية وحطيها في الوسط علشان تتحمر من فوق ومن تحت كمان