طريقة عمل تورتة الدب بوووووووووووو (وينى )

الكمية تكفي: 12 شخصا
وقت التحضير: 60 دقيقة
وقت الطهي: 45 دقيقة
المقادير: كيك اسفنجي
كريم شانتي مخفوق
قالب مصور
شيكولا بيضاء
مربي
التحضير:ولا جبت قالب برسمتين الاميرات و الدب بووووو والقالب ده بيتباع عند بتوع مستلزمات الحلوانية و جبته ب6 جنيه
و حبيبة اختارت بوووو
سيحت شيكولاتة بيضاء فى حمام مائى و صبيتها فى القالب
و دخلتها التلاجة تجمد و خرجتها
وفصلت الشكولاتة عن القالب و طبعا طلعت بالرسمة
و عملت كيك اسفنجى من غير بودر بطريقة فصل الصفار عن البياض و المنتدى مليان بالطريقة دى محبتش انزلها لعدم التكرار
خلاصه تجربتى مع الكيكه الإسفنجيه بالخطوات التفصيليه الممله والصور الكتير جدا من مطبخى
شايفين عاليه ازاى
و الله عليت عن حرف الصينية بحوالى 3سم كمان
و الطريقة دى مضمونة و طريقتها سهلة و النتيجة زى ما انتم شايفين
شقستها 3 قطع وسقيتها عصير عشان تبقى طرية و حشيتها كريم شانتيه و مربى
و غلفتها بالكريم شانتيه من بره بالشكل ده
و قسمت الباقى من الكريمة و لونتها و زينت الكيك زى ما انتم شايفين كده

تسلمي يا رورو علي الحاجات الحلوة دي

مبروك التثبيت يا رورو

مبروك تمييز موضوعك

جزاكي الله كل خير