كنتاكي دايت وكول سلو ممممممم

تيجو نبدأ على طول وبلاش لوك لوك

اولا جبت فرخه وشلت منها الهيكل والاجنحه والرقبه عشان نعمل يهم شوربه هنسقى بيها الرز وعملت صدر واحد منها قطع صغيره عشان هيتحط برضه فى الرز وباقى الفرخه قطعتها على 8 شوفوا كده الصور وهى هتبين



وهنقع الفراخ مع لفيليه المقطع فى لبن رايب او زبادى ولبن وهسيبها فى التلاجه طول الليل




وبعدين هطلعها من الرايب احطها فى ميه متلجه وعليها(معلقتين ملح ومعلقه سكر ومعلقه خل ومعلقه جنزبيل ومعلقه بردقوش وورقتين لورا وفصين حبهان ومعلقه شطه ومعلقه بابريكا وهسيبها حوالى 5 ساعات





على ما الفراخ تتنقع نعمل باقى الاكل نعمل الكول سلو عشان لازم تقعد فى التلاجه 4-5 ساعات

هنا كرنب مبشور وجزرتين مبشورين


وهنا عملت الصوص بتاعها
معلقه زبادى لايت ومعلقه مايونيز وكوب الا ربع لين و2 معلقه سكر ومعلقه خل ورشه ملح




وقلبتهم على الكرنب والجزر وهسيبهم فى التلاجه اطول فتره ممكنه




نعمل بقى ارز الريزو

طلعنا قطع الفراخ المنقوعه فى الرايب




وعملنا الشوربه بالهيكل والاجنحه اللى طلعناهم وقطعنا بصله وتوم

اولا بدون اى زيوت هنحط الفراخ فى حله ونقلب لحد مالونهم يتغير ونشيلهم

بعدين نشوح البصل ونضيف الفراخ تانى ونحط الرز ومعلقه شطه ومعلقه بابريكا ومعلقه صلصه ونقلب




ونحط الشوربه



وهنا لما استوى خلاص وخلص والريحه تجننننن




كده الفراخ بقت تما نشيلها بقى نحطها فى طبق



وبعدين نعمل الغلاف بتاعها هنحطها فى طبقتين اول طبقه عبارع عن دقيق عليه معلقه شطه ومعلقه بابريكا وومعلقه ملح ومعلقه فلفل ومعلقه بردقوش ونص معلقه جنزبيل ومعلقه توم باودر ونقلبهم مع بعض ونزود ميه متلجه وانا عملت بالميه اللى كان منقوع فيها الفراخ



هتكون معاكى عجينه سايله والطبقه التانيه هتكون دقيق بس بدون اى توابل ونحط عليه شويه ميه صغيرين ونفركهم بايدينا بحيث يطلعوا قطع دقيق طغيره وده سر القرمشه


نحط الفراخ فى الطبقه السايله وبعدين الدقيق المفروك وندخلها التلاجه ساعه ترتاح


بعد كده نرصها فى صنيه مدهونه زيت وندخلها الفرن حوالى ساعه وطبعا الفن يكون متسخن قبل هاومنغلفاش بفويل عشان متعرقش وتطرى احنا عاوزينها كرسبى
السر بقى فيييييييييييييييييين

بعد ماتدخليها الفرن كل عشر دقايق تفتحى عليها وتجيبى بخاخ فيه ميه وترشى رشتين على الفراح وتقفلى
هو ده اللى هيخليها مقرمشه اووووووى انا مصورتهاش لانى كنت ملبوخه ولوحدى هههههههه

واخيرا الفراخ طلعت من الفرن بدون نقطه زيت واحده والنتيجه جناااااااااااااااان







صوره كمان عشان الحبايب





وهنا بقى الاكل كله مع بعض
كنتاكى الدايت هاه هههههههه وارز الريزو وكول سلو دايت برضه وبطاطس محمره وكاتشب ومايونيز اتفضلوا معانا هههههههه

شكراً يا قمر