كوكيز بالردة والشوفان خفيف للرجيم

بسم الله الرحمن الرحيم

يالا بينا نشوف المقادير

كوب شوفان
كوب رده
نص كوب دقيق ابيض
نصف كوب سكر ( الوصفه الاساسيه فيها كوب سكر بنى بس انا مش بستعمله فاستبدلته بسكر ابيض بس خلتها نص كوب )
فانيليا
بيكنج بودر
2 بيضه
ربع كوب زيت
لبن للعجن




نخلط المواد الجافه مع بعض

الدقيق وعليه الرده وعليه الشوفان
ونضيف ليهم البيكنج بودر معلقه كبيره


ونضيف معلقتين قرفه ( اختيارى انا بحبها اوى وانتى ممكن تستغنى عنها )



بقلب المواد الجافه دى مع بعض

وفى طبق اخر
بضرب 2 بيضه + ربع كوب زيت + الفانيليا
وبضيفهم على الخليط اللى فوق



وبعجن كويس بأيدى وبزود لبن بسييييييييط حتى تكون لينه وسهل تشكيلها معاكى


كده العجينه جاهزة

ناخد منها مقدار بمعلقه عشان يكون شكل الكوكيز متساوى واد بعضه


ونرص ف صينيه غلفتها ب فويل ودهنتها زيت بسييييط اوى


ودخلتها فرن سخن على 200 درجه او 170 درجه على حسب فرنك

ودا كده خلاااااااااااااص الكوكيز جاهز ومقرمش وزى بيتاع بره والله بالظبط




عاوزة اقولكم انى انا عاملاه ليا عشان افطر بى مع شاى او مع نسكافيه لانى زهقت من التوست الاحمر اوووووووى وقلت اغير
والله جوزى وعيالى ماشاء خلصو نصه مع الشاى هههههههههههههههههه
والحلو فى ان سكره مش عالى والزيت قليل اووووى

يارب وصفتى دى تعجبو يابنات وبجد نفسي تجربوها سهله اوى مخدتش نص ساعه كلها على بعضها

شكراً يا قمر